WAYNE ROOEY:MANCHESTER UNITED KUCHEZA MICHUANO YA KLABU BINWGWA ULAYA NAFASI IPO

Wayne Rooney anaamini kuwa United wapo kwenye nafasi nzuri kufuzu Ligi ya Mabingwa Uefa na kutwaa mataji ya michuano mingine iliyobakia Uingereza
Nahodha wa Manchester United Wayne Rooney amedai kuwa timu yake ipo kwenye nafasi nzuri kufuzu Ligi ya Mabingwa Ulaya Uefa ifikapo mwisho wa msimu.
Mashetani Wekundu wanashika nafasi ya sita kwa sasa kwenye msimamo wa Ligi Kuu Uingereza, lakini wamepunguza pengo la alama dhidi ya timu zinazoshika nafasi za nne za mwanzo baada ya kucheza mechi 15 bila kufungwa.
United bado wamo kwenye Ligi ya Europa, Kombe la FA na lile la EFL, na Rooney anaamini kwamba wapo kwenye nafasi nzuri kufurahia mafanikio ya msimu.
"Nadhani mambo yanakwenda sawa. Tupo kwenye nafasi nzuri kutinga nne bora. Ni dhahiri malengo yetu yalikuwa kujaribu kuwa mabingwa, jambo ambalo ni gumu kwa sasa. Tunalitambua hilo. Lakini bado tupo sehemu nzuri katika harakati zetu za kutinga nne bora," aliliambia gazeti la GQ.
"Bado tumo kwenye Europa, Kwenye fainali ya Kombe la Ligi, na kwenye Kombe la FA, kwa hiyo tunaamini ni mataji ambayo tuna uwezo wa kutosha kuyatwaa. Kisha tutamaliza ndani ya nne bora kwa upande wa ligi.
"Jose Mourinho ni wazi kwamba ni meneja bora - nadhani rekodi zake katika klabu zote alizofundisha zinadhihirisha hilo. Nadhani anajua kile anachokitaka kutoka kwa wachezaji, na wachezaji wanafahamu meneja anachotaka kutoka kwao. Ni mtu thabiti na mwema iwapo utatimiza majukumu anayokupatia.
United wataikaribisha Watford katika uwanja wa Old Trafford Jumamosi wakijua kwamba ushindi unaweza kuwapandisha hadi nne bora kutegemeana na matokeo ya timu nyingine.