LEONEL MESSI KUSAINI MKATABA MPYA UTAKAOMUEKA HADI 2021 KUENDELEA KUITUMIKIA BARCELONA

STRAIKA wa Barcelona Lionel Messi ameafiki nyongeza ya Mkataba utakaomweka Barcelona ya Spain hadi Mwaka 2021.

Messi, mwenye Miaka 30 hivi sasa, amekuwa na Klabu ya Barca tangu akiwa na Miaka 13.

Hivi sasa Messi yupo Vakesheni na anatarajiwa kurejea Barca hivi karibuni kuanza matayarisho kwa ajili ya Msimu Mpya na hapo ndipo atakaposaini Mkataba Mpya huu.

Kwenye Taarifa yao, Klabu ya Barca imesema: ""Klabu imefurahia kuongezwa kwa Mkataba huu na pia kufurahia uaminifu wa Messi ambae ndie Mchezaji Bora katika Historia."

Messi ndie anaeshika Rekodi ya Barca kwa Bao nyingi akiwa amefunga Mabao 507 katika Mechi rasmi 583 alizoanza kucheza tangu 2004.

Pia ndie Mfungaji Bora wa La Liga akiwa na Jumla ya Mabao 349.