KAULI YA JERRY MURO BAADA YA PLUIJM KUTUA SINGIDA UNITED HII HAPA

Aliyekuwa Afisa Habari wa Klabu ya Yanga ambaye kwa sasa amesimamishwa na Shirikisho la Soka Tanzania (TFF), Jerry Muro ametoa ya moyoni baada ya aliyekuwa Kocha wa Klabu hiyo, Hans Van der Pluijm kutangazwa rasmi kama Kocha Mkuu wa timu ya Singida United iliyopanda daraja msimu huu.

Kupitia ukurasa wake wa mtandao wa kijamii, Jerry Muro amepost picha ya kocha huyo akikabidhiwa jezi ya Singida United katika utambulisho wake na kuandika maneno yanayosomeka kama ifuatavyo;

“Babu Hans pumzika hapo kwa muda, wapiga dili wanaomdanganya muhindi wakishaondoka kule, tutarejea tu hata kwa mlango wa uani.”

Pluijm alifungashiwa virago katika klabu ya Yanga na nafasi yake kuchukuliwa na Mzambia, George Lwandamina huku akiwa tayari ameishaipatia Yanga Ubingwa wa Ligi Kuu, FA msimu uliopita ikiwa ni pamoja na kuiwezesha kufika hatua ya makundi katika michuano ya Kombe la Shirikisho Barani Afrika.