MAJERUHI YAENDELEA KUIKUMBA MANCHESTER UNITED

Walinzi wawili wa Manchester United Luke Shaw na Eric Bailly wameongeza idadi ya majeruhi katika miamba hiyo ya Old Trafford (OT), baada ya kupata kwenye mchezo wao wa ligi kuu dhidi ya Swansea jana.

Mlinzi wa kushoto Shaw alipata majeruhi ya kifundo cha mguu katika dakika ya tisa hivyo anarudi tena majeruhi akiwa amecheza mechi nne tu za ligi kuu.

Raia wa Ivory Coast Bailly yalimkuta katika dakika ya 61 hivyo kuingia katika orodha waliko Zlatan Ibrahimovic, Paul Pogba, Chris Smalling, Phil Jones, Marcos Rojo na Timothy Fosu-Mensah.

Aidha kiungo Maroune Fellani anaendelea kutumia adhabu baada ya kutolewa kwa kadi nyekundu aliyoonyeshwa katika mchezo wa derby dhidi ya Manchester City akimtandika kichwa Sergio Aguero wakitoka sare tasa.

Licha ya majeruhi hayo Manchester United ilitoka sare ya 1-1 dhidi ya Swansea City huku bao pekee la Mashetani hao likitiwa kimiani na Wayne Rooney kwa mkwaju wa penalti.

Matokeo mengine ya mechi za ligi kuu hapo jana Manchester City ilitoka sare ya 2-2 ugenini dhidi ya Middlesborough, Chelsea ilitoka kifua mbele kwa mabao 3-0 dhidi ya Everton katika dimba la Goodison Park.